Plantun de Prouvènço

Pèr coumpara dos planto d'encò nostre

Suaeda maritima & Bromopsis inermis

Suaeda maritima

Amaranthaceae Chenopodiaceae

Nom en français : Suéda maritime.

Descripcioun :
Planto de l'an, poupouso e rouginasso, que trachis dins li relarg sala. Li fueio soun aloungado e au contro de Suaeda splendens laisson pas passa lou lume. Li grano soun negro e lusènto.

Usanço :
La sòudo-de-mar servié, à passa tèms, à la fabricacioun de saboun. Un cop acampado, li sòudo coume d'àutri planto de bord de mar e de sansouiro coume li lis engano, èron cremado pèr recupera li cendre riche en carbounato (alcalin). Mescla i soubro d'òli, acò fai de saboun ; cadun counèis la qualita d'aquéu de Marsiho. Es uno planto manjadisso en ensalado.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Suaeda
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : Pancaro entresigna
Ref. sc. : Suaeda maritima (L.) Dumort., 1827

Senòbi(-sènso-arèsto)

Bromopsis inermis

Poaceae

Noms en français : Brome inerme, Brome sans arêtes.

Descripcioun :
Aquéu senòbi trachis en mountagno. Ei pulèu grand (pòu faire mai d'un mètre) e formo uno bello paumo denso. Se recounèis à si fueio larjo (0,5 mm) e sènso péu alor que la lengueto èi courteto. Lis espiguet soun quàsi sènso aresto (i'a pamens uno pichoto sus la lemma - fotò). En basso Prouvènço, èi pas d'óurigino qu'es esta samena en ribo de camin, ounte se pòu trouba.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Bromopsis
Famiho : Poaceae

Tribu : Triticeae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado - Camin - Tepiero seco
Estànci : Termoumediterran à Subaupen
Couroulougi : Pancaro entresigna
Ref. sc. : Bromopsis inermis (Huds.) Fourr., 1869 (= Bromus inermis Leyss., 1761 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Suaeda maritima & Bromopsis inermis

ges

Coumpara Sòudo-de-mar emé uno autro planto

Coumpara Senòbi(-sènso-arèsto) emé uno autro planto